Newcastle leitar að mögulegum arftaka Isak - Man City aftur á eftir Livramento - Shaw til Sádi-Arabíu?
Venni: Við höfum verið góðir gestgjafar og þeir (KR) góðir gestir
Halli: Einbeitingabrestir sem slátra okkur leik eftir leik
Jóhann Birnir: Við tökum algjörlega yfir leikinn að mínu mati
Gunnar Heiðar: Fannst við vera líklegir til þess að vinna þennan leik
Marc McAusland: Var svolítið heppinn að hann hafi ekki náð að skora
Arnar Grétars: Heilt yfir hefðum við átt að klára þennan leik
Gústi Gylfa: Ekki hægt að fela sig endalaust á bakvið frammistöðu
Gunnar Guðmunds: Mér fannst út á velli við vera sterkari aðilinn í dag
Hrafn Tómas: Það hafa alltaf verið ljós en aldrei myrkur
Hemmi Hreiðars: Ætlum að taka okkur frí þetta árið frá Þjóðhátíð
„Shaina var alveg frábær í dag"
Siggi Höskulds: Fengu þetta fáránlega víti og það var sætt að sjá hann renna í því
„Okkar spilamennska undir pari"
Haraldur Freyr: Segir sig sjálft að við þurfum að verjast betur
Donni: Leikplanið gekk upp
„Áttum alveg að mínu mati eitthvað meira skilið"
Jóhann Kristinn: Verð að líta í eigin barm
„Svæfði okkur einhvern veginn"
Pétur Rögnvalds: Stelpurnar voru með mikla yfirburði í fyrri hálfleik
Nik: Stelpurnar voru ferskar og í góðu formi
   mán 05. september 2022 22:51
Brynjar Ingi Erluson
Óskar Hrafn: Ég ætla ekkert að vera að spá í þau
Óskar Hrafn Þorvaldsson
Óskar Hrafn Þorvaldsson
Mynd: Fótbolti.net - Hafliði Breiðfjörð
Mynd: Fótbolti.net - Haukur Gunnarsson
Mynd: Fótbolti.net - Haukur Gunnarsson
Mynd: Fótbolti.net - Hafliði Breiðfjörð
„Ég er bara mjög sáttur við frammistöðuna. Hún var bara góð, fengum fullt af færum og náðum að takmarka færafjölda þeirra verulega og með góða stjórn á leiknum. Ég er mjög ánægður," sagði Óskar Hrafn Þorvaldsson, þjálfari Breiðabliks, eftir 1-0 sigurinn á Val í Bestu deild karla í kvöld en liðið er nú með ellefu stiga forystu á toppnum.

Lestu um leikinn: Breiðablik 1 -  0 Valur

Ísak Snær Þorvaldsson gerði eina mark leiksins á 63. mínútu en það var fyrsta mark hans í rúman mánuð.

Það var munur á sóknarleiknum hjá Blikum í dag en í bikarnum gegn Víkingum á dögunum. Óskar ræddi það aðeins.

„Hver leikur hefur sitt líf og það er auðvelt að segja að sá leikur var búinn áður en hann byrjaði og þegar þú færð svona högg þá tekur lengri tíma að rísa upp. Í dag var kveikt á okkur frá byrjun og góð frammistaða. Við gerðum það sem við töluðum um fyrir leikinn, fundum réttu svæðin, náðum að opna þá og pössuðum upp á að missa ekki boltann á hættulegum stöðum. Valsmenn eru með mikil gæði og frábært lið sem refsar ef þeim er afhent eitthvað á silfurfati. Maður veit aldrei muninn og muninn. Sá var búinn áður en hann byrjaði og þessi var góður. Við getum ekki verið að 'analyze-era' eitthvað í tætlur. Það sem gerðist var að við horfðum of mikið í baksýnisspegilinn, heldur er hollast að horfa fram á við og næsta verkefni er KA," sagði Óskar.

Orri Hrafn Kjartansson, leikmaður Vals, kom sér nokkrum sinnum í góðar stöður til að sleppa í gegn.

„Jújú, Orri Hrafn er góður leikmaður og þú getur ekki gefið honum þessi svæði. Dagur hljóp hann upp einu sinni og frábærlega gert hjá honum en kom sér kannski í vandræði með stöðu með staðsetningum en neinei það fór ekkert um mig en auðvitað er það þannig þegar þú ert 1-0 yfir og ekki búinn að gera út um leikinn sem mér fannst við hafa möguleika á þá er auðvitað Valur lið sem er að fara að eiga eitthvað áhlaup í leik, það er bara þannig og þannig virkar fótboltaleikur. Gott lið með frábæra leikmenn og góðan þjálfara og voru alltaf að koma með eitthvað áhlaup svo var það spurning hvort við værum búnir að koma okkur í það góða stöðu að það skipti ekki máli eða þyrftum við að standa það af okkur. Að þessu sinni náðum við að standa það af okkur og gerðum það vel."

Óskar var ánægður með varnarleikinn en Blikar voru að halda hreinu þriðja leikinn í röð.

„Ég er mjög ánægður með hann. Ég held að þetta sé þriðji leikurinn í röð þar sem við höldum hreinu í deildinni og erum býsna góðir varnarlega og bara alls staðar á vellinum. Erum þéttir og menn unnu vel saman. Það er dýrmætt og gott upp á framhaldið og þurfum að halda áfram að spila góðan varnarleik."

Næsti leikur Blika er gegn KA, sem var að missa sinn besta mann en Nökkvi Þeyr Þórisson er að semja við Beerschot í Belgíu.

„Það er auðvitað ágætt. Ég get bara ekki verið að spá í því. Það verða sjónarsviptir af Nökkva úr deildinni og frábært fyrir hann að fara út. Óska honum innilega til hamingju með það, hann er búinn að vinna fyrir því, leggja mikið á sig og eiga frábært sumar. Það er frábært fyrir hann en slæmt fyrir KA og deildina að missa hann, en góðir leikmenn þurfa að geta tekið skrefið. Hann er svo sannarlega búinn að sýna hvað hann er góður."

Blikar eru eins og áður segir með ellefu stiga forystu en hann vildi ekkert fara að ræða titilbaráttuna. Hann er ekkert að spá í öðrum liðum.

„Varðandi hin liðin, þá ætla ég ekkert að spá í þau. Þeir eru í sínu prógrami og sinni stigasöfnun og hvernig gengur verður að vera þeirra mál. Við erum á okkar ferðalagi, næsta verkefni er KA og næsti áfangastaður á Akureyri og þar ætlum við að vinna," sagði hann ennfremur en hann ræðir um Ísak Snæ, fjölhæfan Andra Rafn Yeoman og margt annað í viðtalinu.
Athugasemdir
banner
banner