Brendan Rodgers hefur fengið mikið lof fyrir endurkomu sína í ensku úrvalsdeildina. Leicester liðið, sem hann stýrir, hefur leikið vel eftir að hann tók við og eru menn og konur að orða hann við stjórastöður hjá stærri félögum.
Til dæmis telur Robbie Savage, fyrrum miðjumaður til margra ára í ensku úrvalsdeildinni, að Rodgers væri fullkominn stjóri fyrir Manchester United.
Savage segir þó Ole Gunnar Solskjær, núverandi stjóra Rauðu Djöflanna, eiga skilið meiri tíma sem stjóri félagsins.
„Rodgers er að stýra Leicester aftur í Meistaradeildina og hann er framtíðastjóri hjá United," sagði Savage við Mirror.
„Ekki misskilja mig þegar ég segi að Rodgers eigi skilið að taka við United þá er ég ekki að segja að félagið eigi að reka Ole."
„Ég er ekki hrifinn af því að ráða og reka stjóra endalaust og Solskjær á skilið meiri tíma. Ég hef hinsvegar heillast mikið af starfi Rodgers hjá Refunum. Mjög gott átta mánaða starf og Leicester getur endað í einu af efstu fjórum sætunum."
„Þegar tíminn er réttur hjá United og liðið þarf nýjan stjóra væri Rodgers mitt val en ekki Mauricio Pochettino (stjóri Tottenham)."
Manchester United mætir Newcastle á útivelli á morgun og Leicester heimsækir Liverpool í dag.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 12 | 9 | 2 | 1 | 24 | 6 | +18 | 29 |
| 2 | Chelsea | 12 | 7 | 2 | 3 | 23 | 11 | +12 | 23 |
| 3 | Man City | 12 | 7 | 1 | 4 | 24 | 10 | +14 | 22 |
| 4 | Aston Villa | 12 | 6 | 3 | 3 | 15 | 11 | +4 | 21 |
| 5 | Crystal Palace | 12 | 5 | 5 | 2 | 16 | 9 | +7 | 20 |
| 6 | Brighton | 12 | 5 | 4 | 3 | 19 | 16 | +3 | 19 |
| 7 | Sunderland | 12 | 5 | 4 | 3 | 14 | 11 | +3 | 19 |
| 8 | Bournemouth | 12 | 5 | 4 | 3 | 19 | 20 | -1 | 19 |
| 9 | Tottenham | 12 | 5 | 3 | 4 | 20 | 14 | +6 | 18 |
| 10 | Man Utd | 12 | 5 | 3 | 4 | 19 | 19 | 0 | 18 |
| 11 | Everton | 12 | 5 | 3 | 4 | 13 | 13 | 0 | 18 |
| 12 | Liverpool | 12 | 6 | 0 | 6 | 18 | 20 | -2 | 18 |
| 13 | Brentford | 12 | 5 | 1 | 6 | 18 | 19 | -1 | 16 |
| 14 | Newcastle | 12 | 4 | 3 | 5 | 13 | 15 | -2 | 15 |
| 15 | Fulham | 12 | 4 | 2 | 6 | 13 | 16 | -3 | 14 |
| 16 | Nott. Forest | 12 | 3 | 3 | 6 | 13 | 20 | -7 | 12 |
| 17 | West Ham | 12 | 3 | 2 | 7 | 15 | 25 | -10 | 11 |
| 18 | Leeds | 12 | 3 | 2 | 7 | 11 | 22 | -11 | 11 |
| 19 | Burnley | 12 | 3 | 1 | 8 | 14 | 24 | -10 | 10 |
| 20 | Wolves | 12 | 0 | 2 | 10 | 7 | 27 | -20 | 2 |
Athugasemdir
