Idrissi er 24 ára gamall kantmaður sem hefur gert 37 mörk í 96 leikjum hjá AZ. Á síðustu leiktíð skoraði hann 17 og lagði 10 upp í 42 leikjum.

Idrissi lék 29 sinnum fyrir yngri landslið Hollands en hefur ákveðið að spila frekar fyrir Marokkó og lék 7 landsleiki í fyrra. Hann er vinstri kantmaður að upplagi en getur einnig spilað hægra megin.

Sevilla greiðir 12 milljónir fyrir Idrissi sem mun berjast við Suso, Lucas Ocampos og Munir El Haddadi um byrjunarliðssæti.

Þessi félagaskipti losa um stöðu í framlínu AZ Alkmaar og gæti Albert Guðmundsson því fengið stærra hlutverk hjá félaginu. Albert byrjaði fyrstu tvo leiki AZ á nýju tímabili en var ónotaður varamaður í 4-4 jafntefli um helgina.