Íslenski landsliðsmaðurinn Hörður Björgvin Magnússon sneri aftur á völlinn með Panathinaikos er liðið lagði Panetolikos að velli, 2-0, í grísku úrvalsdeildinni í kvöld.
Framarinn meiddist um miðjan janúar og missti af sex deildarleikjum áður en hann sneri aftur í hópinn í markalausa jafnteflinu gegn Olympiakos í síðustu umferð.
Hörður byrjaði í miðri vörn gegn Panetolikos í kvöld og tókst að halda hreinu en leiknum lauk með 2-0 sigri Panathinaikos.
Varnarmaðurinn spilaði allan leikinn og hjálpaði liði sínu að hirða toppsætið af AEK.
Panathinaikos er með 58 stig eftir 25 leiki en AEK með 56 stig og á leik til góða.
Eftir næstu umferð verður deildinni skipti í tvo hluta, meistarariðil og fallriðil.
Athugasemdir
