Brasilísku knattspyrnugoðsögninni Pele tókst að láta fjarlægja æxli úr ristli og er á gjörgæslu þar til á morgun, þriðjudag.
Pele er áttræður og greindist með æxli í síðustu viku þegar hann fór í skoðun.
„Ég þakka Guði fyrir að mér líður vel og fyrir að leyfa Dr. Fabio og Dr. Miguel að annast heilsu mína. Ég mun mæta þessum andstæðingi með bros á vör," skrifaði Pele á samfélagsmiðlum.
Fjölmiðlar í Brasilíu sögðu að það hafi liðið yfir Pele á spítalanum en hann var snöggur að neita því á Instagram.
Pele hefur verið að glíma við ýmis heilsuvandamál á undanförnum árum og ferðast yfirleitt um með göngugrind eða hjólastól.
Hann er markahæsti leikmaður í sögu brasilíska landsliðsins með 77 mörk og eini leikmaðurinn í sögunni til að hafa unnið þrjú heimsmeistaramót í karlaflokki.
Athugasemdir