Miralem PJanic
Miralem Pjanic, leikmaður Barcelona, er á förum frá félaginu eftir tveggja ára veru þar en hann er á leið til Sharjah í sameinuðu furstaríkjunum. Það er Fabrizio Romano sem greinir frá.
Pjanic, sem er 32 ára gamall, kom til Barcelona frá Juventus í skiptidíl fyrir Brasilíumanninn Arthur.
Hann spilaði 30 leiki á fyrra tímabili sínu með Börsungum en var lánaður til tyrkneska félagsins Besiktas árið á eftir.
PJanic snéri aftur til Barcelona eftir tímabilið og æfði með liðinu í sumar en hefur ekki enn spilað leik á þessari leiktíð.
Bosníumaðurinn er nú á leið til Sharjah FC í sameinuðu furstaríkjunum og gerir hann þriggja ára samning.
Þetta verður sjöunda félagið sem hann spilar fyrir á ferlinum á eftir Metz, Lyon, Roma, Juventus, Besiktas og auðvitað Barcelona.
Athugasemdir
