Nyland, sem er 30 ára, spilaði 35 leiki á tíma sínum hjá félaginu en áður hafði hann verið aðalmarkvörður Molde og FC Ingolstadt.

Dean Smith telur Nyland ekki vera nægilega góðan til að berjast um markmannsstöðuna hjá Villa en félagið var að kaupa Emiliano Martinez fyrir 20 milljónir punda og hefur hann staðið sig með prýði á upphafi tímabils. Tom Heaton, Jed Steer og Lovre Kalinic eru einnig á mála hjá félaginu.

Nyland, sem á 28 landsleiki að baki fyrir Noreg, er að glíma við bakmeiðsli þessa dagana. Hann hefur verið orðaður við ýmis félög í Skandinavíu, Þýskalandi og Hollandi undanfarin misseri.