07.01.20 - 09:00
Ívan Guðjón Baldursson
Bayern reynir að fá Cancelo að láni
Mynd: Getty Images
Mynd: Getty Images
Portúgalski bakvörðurinn Joao Cancelo hefur ekki fundið sig hjá Manchester City og vill róa á önnur mið til að vinna sér inn sæti í portúgalska landsliðinu fyrir EM næsta sumar.
Cancelo, 25 ára, var langbesti hægri bakvörður ítölsku deildarinnar á tíma sínum hjá Inter og Juventus en hann ákvað sjálfur að skipta yfir til Englandsmeistara Man City.
Honum hefur ekki tekist að velta Kyle Walker úr sessi í hægri bakverðinum og gæti verið á leið til Þýskalandsmeistara FC Bayern í janúarglugganum.
Bayern vill fá Cancelo að láni með kaupmöguleika en City vill helst selja bakvörðinn sókndjarfa, sem er metinn á 60 milljónir evra.
Þýskir fréttamenn telja líklegt að City muni reyna að selja Cancelo í janúar. Ef það tekst ekki verður hann lánaður til Bayern undir lok gluggans.
Bayern er einnig á höttunum eftir Leroy Sane, 23 ára kantmanni City sem á aðeins nokkrar vikur eftir af endurhæfingu eftir erfið meiðsli. Ólíklegt er að Sane skipti um félag í janúar en hann gæti farið næsta sumar.
Bayern hefur einnig verið orðað við Lukas Klostermann, þýskan bakvörð RB Leipzig, en þjálfarateymið vill frekar fá Cancelo.
Honum hefur ekki tekist að velta Kyle Walker úr sessi í hægri bakverðinum og gæti verið á leið til Þýskalandsmeistara FC Bayern í janúarglugganum.
Bayern vill fá Cancelo að láni með kaupmöguleika en City vill helst selja bakvörðinn sókndjarfa, sem er metinn á 60 milljónir evra.
Þýskir fréttamenn telja líklegt að City muni reyna að selja Cancelo í janúar. Ef það tekst ekki verður hann lánaður til Bayern undir lok gluggans.
Bayern er einnig á höttunum eftir Leroy Sane, 23 ára kantmanni City sem á aðeins nokkrar vikur eftir af endurhæfingu eftir erfið meiðsli. Ólíklegt er að Sane skipti um félag í janúar en hann gæti farið næsta sumar.
Bayern hefur einnig verið orðað við Lukas Klostermann, þýskan bakvörð RB Leipzig, en þjálfarateymið vill frekar fá Cancelo.
