Óli Stefán Flóventsson.
„Það er alvöru rígur. Sagan segir manni það að þetta eru alltaf skemmtilegir leikir og hörkuleikir," segir Óli Stefán Flóventsson, þjálfari Grindavíkur, um leik liðsins gegn Keflavík í kvöld klukkan 19:15.
Nýliðar Keflavíkur náðu í stig gegn Stjörnunni í fyrstu umferð á meðan Grindavík tapaði gegn FH.
„Við berum virðingu fyrir andstæðingnum og leiknum og erum klárir í alla leiki. Ég hef séð Keflavík og spilað við þá og þeir eru með hörkulið. Við búumst við erfiðasta leik sumarsins."
Óli Stefán reiknar með að mætingin verði góð á þennan Suðurnesjaslag í kvöld.
„Ég efast ekki um það. Við spiluðum hörkuleiki við þá í Inkasso-deildinni fyrir tveimur árum síðan og þá nánast fylltum við stúkuna. Ég reikna með svipaðri stemningu á stærsta sviðinu."
Beinar textalýsingar:
19:15 FH - Breiðablik
19:15 Víkingur R. - Valur
19:15 Keflavík - Grindavík
Athugasemdir
