Verðmiðinn á Rashford - Mikið tap hjá Ratcliffe - Newcastle vill Gittens
   mið 07. maí 2025 16:30
Elvar Geir Magnússon
Arteta: Fengum fleiri stig en dugði Liverpool
Mikel Arteta, stjóri Arsenal.
Mikel Arteta, stjóri Arsenal.
Mynd: EPA
Mikel Arteta stjóri Arsenal vakti ekki mikla kátínu meðal stuðningsmanna Liverpool þegar hann gantaðist með að Arsenal hefði unnið enska titilinn síðustu tvö ár vegna þess að lið hans fékk fleiri stig en Liverpool hefur fengið á þessu tímabili.

Arteta var að vitna í það á fréttamannafundi að Liverpool var krýnt meistari á þessu tímabili með færri stig en Arsenal fékk þegar liðið endaði í öðru sæti á eftir Manchester City síðustu tvö tímabil.

„Að vinna titla snýst um að vera á réttum stað á réttum tíma. Liverpool hefur unnið titilinn með færri stig en við fengum síðustu tvö tímabil. Með stig síðustu tveggja tímabila værum við með tvo Englandsmeistaratitla," sagði Arteta brosandi.

Liverpool er með 82 stig og gæti enn fengið meira en 89 stig sem er stigafjöldinn sem Arsenal fékk síðasta tímabil, og 84 stigin sem Arsenal fékk árið á undan. Liverpool tryggði sér titilinn í apríl þegar enn voru fjórar umferðir eftir.

„Vonandi verðum við á réttum stað á réttum tíma í París og vinnum okkur rétt til að komast í úrslitaleikinn," segir Arteta en seinni leikur PSG og Arsenal í undanúrslitum Meistaradeildarinnar verður í kvöld. PSG vann fyrri leikinn 1-0.

Síðasti titill sem Arsenal fékk var FA-bikarinn sem Arteta lyfti á sínu fyrsta tímabili sem stjóri 2020.
Stöðutaflan England Premier league - karlar
  L U J T ms: mf: mun Stig
1 Liverpool 36 25 8 3 83 37 +46 83
2 Arsenal 36 18 14 4 66 33 +33 68
3 Newcastle 36 20 6 10 68 45 +23 66
4 Chelsea 37 19 9 9 63 43 +20 66
5 Aston Villa 37 19 9 9 58 49 +9 66
6 Man City 36 19 8 9 67 43 +24 65
7 Nott. Forest 36 18 8 10 56 44 +12 62
8 Brentford 36 16 7 13 63 53 +10 55
9 Brighton 36 14 13 9 59 56 +3 55
10 Bournemouth 36 14 11 11 55 43 +12 53
11 Fulham 36 14 9 13 51 50 +1 51
12 Crystal Palace 36 12 13 11 46 48 -2 49
13 Everton 36 9 15 12 39 44 -5 42
14 Wolves 36 12 5 19 51 64 -13 41
15 West Ham 36 10 10 16 42 59 -17 40
16 Man Utd 37 10 9 18 42 54 -12 39
17 Tottenham 37 11 5 21 63 61 +2 38
18 Ipswich Town 36 4 10 22 35 77 -42 22
19 Leicester 36 5 7 24 31 78 -47 22
20 Southampton 36 2 6 28 25 82 -57 12
Athugasemdir
banner