U21 landsliðið er að búa sig undir mikilvægan leik gegn Hvíta-Rússlandi á morgun í undankeppni EM. Ísland á möguleika á því að komast í umspil en þarf að treysta á að Grikkland misstígi sig á lokasprettinum.
Sjá einnig:
Þetta þarf að gerast svo U21 komist í umspil
Sjá einnig:
Þetta þarf að gerast svo U21 komist í umspil
Brynjólfur Willumsson, fyrirliði U21 landsliðsins, ræddi við Fótbolta.net í morgun. Kýpur vann Grikkland í gær og eftir þau úrslit jókst möguleiki íslenska liðsins á að ná umspilssæti.
„Þessi úrslit gefa meiri von en Grikkir eiga eftir að mæta Portúgal úti og þeim nægir jafntefli. Þetta er ekki alveg í okkar höndum en við þurfum að klára okkar verkefni, þessa tvo leiki sem við eigum. Við erum með fókusinn á Hvíta-Rússlandi og þurfum að mæta vel gíraðir í þann leik," segir Brynjólfur.
„Hvít-Rússarnir eru með mjög öflugt lið og unnu til að mynda Kýpur. Við þurfum að mæta klárir í þennan leik."
U21 landsliðið er með mikla breidd sóknarlega.
„Við erum með fullt af flottum sóknarmönnum. Það er gaman að sjá hvað Ísland er komið með marga svona leikmenn í yngri landsliðunum. Mörkin hjá okkur hafa verið að koma úr öllum áttum. Það geta allir haft áhrif á leikinn," segir Brynjólfur.
Leikur Íslands og Hvíta-Rússlands verður klukkan 18:00 á morgun á Víkingsvelli.
Athugasemdir