Nik Anthony Chamberlain var gríðarlega ánægðu með 1-3 endurkomusigur sinna kvenna á Meistaravöllum fyrr í kvöld gegn KR í Bestu deild kvenna.
KR leiddi sanngjarnt 1-0 í hálfleik en Þróttarastúlkur mættu af gríðarlegum krafti inn í seinni hálfleikinn og snéri leiknum sér í vil, lokastaðan 1-3 sigur þar sem Katla Tryggvadóttir fór á kostum og skoraði þrennu.
Lestu um leikinn: KR 1 - 3 Þróttur R.
„Ég er sáttur með seinni hálfleikinn, í fyrri hálfleik settu þær okkur undir pressu sem við höndluðum illa, þær áttu skilið að vera yfir í hálfleik. Í seinni hálfleik fórum við loksins að spila þann fótbolta sem við viljum spila, héldum boltanum niðri og færðum hann hratt svo það var bara tímaspursmál hvenær við myndum skora.''
„Við þurftum bara að einbeita okkur að því sem við gerum á æfingum, spila einfaldan fótbolta og færa boltann hratt, fá Murphy í svæðin þar sem hún getur keyrt á vörnina og Kötlu í svæðin þar sem hún fær færin og hún augljóslega skoraði þrjú mörk svo það var allt bara miklu betra í seinni hálfleik.''
„Við breyttum aðeins í hálfleik, Sæunn fór í tíuna, Freyja var að vinna gríðarlega vel, Katla fór að finna svæðin sem við viljum fá hana í svo við stjórnuðum leiknum hreinlega bara algjörlega í seinni hálfleik.''
Viðtalið í heild sinni má sjá í spilaranum hér að ofan en það er tekið á ensku svo það er í meginmálum skrifað hér líka á íslensku.