Kári Árnason.
Allir leikmenn íslenska landsliðsins eru heilir og klárir í slaginn fyrir leikinn gegn Rúmenum annað kvöld. Mikil meiðsli hafa verið í hópnum síðan Erik Hamren tók við árið 2018 en hann hefur aldrei getað valið jafn öfliugan hóp og núna.
Kári Árnason spilaði ekki með Víkingi gegn KA á sunnudag en hann er kĺar eftir meiðsli.
Kári Árnason spilaði ekki með Víkingi gegn KA á sunnudag en hann er kĺar eftir meiðsli.
„Kári hefur æft á fullu bæði á mánudag og þriðjudag. Honum líður vel. Ég talaði við hann í morgun og það eru engin vandamál hjá honum," sagði Erik Hamren landsliðsþjálfari á fréttamannafundi í dag.
Íslenska liðið er á leið á lokaæfingu sína fyrir leikinn á morgun en liðið æfði einnig í gær og í fyrradag.
„Sverrir (Ingi Ingason) æfði ekki því hann var ekki með niðurstöðu úr Covid testinu. Hann gat ekki æft en allir aðrir æfðu vel. Þetta hafa verið tveir góðir dagar. Á mánudaginn vorum við tíu á æfingu og í gær vorum við 23. Þetta hefur verið gott. Leikmennirnir eru einbeittir og það hefur verið mikil gleði í hópnum. Við þurfum jákvæða orku og ég hef verið ánægður með æfingarnar hingað til."
Leikurinn annað kvöld hefst klukkan 18:45 en sigurliðið mætir Búlgaríu eða Ungverjalandi í næsta mánuði í úrslitaleik um sæti á EM.
Athugasemdir
