mið 08. janúar 2020 19:18
Sæbjörn Þór Þórbergsson Steinke
Chelsea búið að bjóða í Fernandes
Mynd: Getty Images
Chelsea hefur, þegar þetta er skrifað, boðið í leikmann Benfica. Gedson Fernandes heitir leikmaðurinn og hefur West Ham einnig boðið í hann í janúarglugganum.

Gedson er tvítugur miðjumaður en Sky Sports greinir frá því að Chelsea vilji fá hann á láni næstu átján mánuði.

Eftir næstu leiktíð mun svo Chelsea þurfa að kaupa leikmanninn fyrir 55 milljónir punda ef hann spilar í það minnsta helming leikja Chelsea-liðsins.

West Ham vill fá leikmanninn á 18 mánaða lánssamningi og þá verði félagið að kaupa hann í kjölfarið á 33 milljónir punda ef hann spilar eitthvað að ráði með félaginu. Í tilboði West Ham er tekið fram að hann verði að spila ákveðin fjölda leikja (óuppgefið) en talað er um að það séu færri leikir en þarf hjá Chelsea.
Athugasemdir
banner
banner
banner
banner
banner