Óskar Hrafn Þorvaldsson, þjálfari Breiðabliks.
Leiknir Reykjavík og Breiðablik mættust á Domusnovavellinum í Breiðholti í kvöld og endaði leikurinn 3-3 í stórskemmtilegum fótboltaleik.
„Ég er bara sáttur með stigið úr því komið var að þá get ég ekki verið annað en það." voru fyrstu viðbrögð Óskars Hrafns Þorvaldssonar þjálfara Breiðabliks.
„Ég er bara sáttur með stigið úr því komið var að þá get ég ekki verið annað en það." voru fyrstu viðbrögð Óskars Hrafns Þorvaldssonar þjálfara Breiðabliks.
Lestu um leikinn: Leiknir R. 3 - 3 Breiðablik
Breiðablik kemst yfir í leiknum en fær síðan þrjú mörk á sig. Hvað fór úrskeiðis hjá Breiðbliki þar?
„Mér fannst við spila mjög vel í fyrri hálfleik og vera einhverneigin með leikinn í höndunum. Einhverneigin var það okkar að koma þeim aftur inn í leikinn sem gerist síðan undir lok fyrrihálfleiks þegar þeir jafna, við gefum þeim það mark en stórglæsilegt mark en í aðdragandanum erum við klaufalegir."
Breiðablik er aðeins með eitt stig eftir fyrstu tvo leiki deildarinnar en liðið tapaði gegn KR í fyrstu umferð deildarinnar.
„Nei, þetta er ekki byrjun sem menn ætluðu sér en þetta er samt bara raunveruleikinn og úr því sem komið er þá er þetta niðurstaðan og það þýðir að hugsa um hvað við hefðum viljað eða ætlað okkur, við erum með eitt stig og vinnum út frá því og þurfum að mæta klárir í leikinn gegn Keflavík á Fimmtudaginn."
Viktor Karl Einarsson var ekki í leikmannahópi Breiðabliks í kvöld en hann er tæpur en ætti að vera klár þegar liðið mætir Keflavík í næstu umferð.
„Hann er bara tæpur og við ákváðum að taka ekki séns á honum. Hann er mikilvægur leikmaður og það hefði verið áhætta að láta hann spila í kvöld en hann verður klár á Fimmtudaginn gegn Keflavík."
Viðtalið í heild sinni má sjá í sjónvarpinu hér að ofan.
