Lewis þurfti að draga sig úr hópinum til að flýta fyrir félagaskiptum sínum til Newcastle United, sem er að kaupa hann fyrir 15 milljónir punda samkvæmt frétt Sky Sports.

Lewis er 22 ára vinstri bakvörður sem féll með Norwich á síðustu leiktíð. Hann á 13 landsleiki að baki fyrir Norður-Íra og lék allan leikinn í 1-1 jafntefli í Rúmeníu síðasta föstudag.

Newcastle er búið að bæta nokkrum leikmönnum við sig undanfarna daga. Í gær voru Ryan Fraser og Callum Wilson, fyrrum samherjar hjá Bournemouth, staðfestir en félagið var þegar búið að krækja í miðjumanninn Jeff Hendrick á frjálsri sölu frá Burnley.