Rúmenar æfðu á Versalavelli í hádeginu

Rúmenska landsliðið tók stutta æfingu á Versalavelli í Kópavogi í hádeginu í dag.

Samkvæmt heimasíðu rúmenska sambandsins var um hálftíma æfingu að ræða þar sem menn fengu aðeins að liðka sig og fara yfir taktíkina fyrir leikinn í kvöld.

Þetta er ekki venjan hjá rúmenska liðinu.

Ísland og Rúmenía mætast klukkan 18:45 á Laugardalsvelli í umspili fyrir EM. Sigurliðið mun mæta Ungverjalandi eða Búlgaríu í úrslitaleik um sæti á EM.