Sevilla og Real Sociedad áttust við í hörkuleik í spænsku úrvalsdeildinni í dag.

Fyrri hálfleikurinn var mjög fjörugur, vægast sagt. Youssef En-Neysri kom Sevilla yfir eftir fjórar mínútur en í næstu sókn jafnaði Sociedad metin með sjálfsmarki Diego Carlos.

Tveimur mínútum eftir jöfnunarmark Sociedad, þá komst Sevilla aftur yfir og aftur var það En-Neysri. Forystan entist í sjö mínútur því þá jafnaði sænski sóknarmaðurinn Aleksander Isak fyrir gestina í Sociedad.

Staðan var 2-2 eftir korter og þannig var hún líka í hálfleik. Í byrjun seinni hálfleiks fullkomnaði En-Neysri þrennu sína og það reyndist sigurmarkið í leiknum.

Gestirnir náðu ekki að svara og lokatölur 3-2 fyrir Sevilla sem er í sjötta sæti með jafnmög stig og Sociedad. Sevilla á hins tvo leiki til góða á mótherja sína í dag. Bæði þessi lið stefna eflaust á að koma sér í Meistaradeildina; efstu fjögur sætin.