Tölfræðifyrirtækið Gracenote hefur búið til spálíkan og reiknað út hverjar eru líkurnar á því að hvert lið falli.

Líkur á falli:
Nottingham Forest 34%
Everton 26%
Leicester 68%
Leeds 73%
Southampton 100%

Það eru taldar 73% líkur á því að Leeds falli en tveir af þremur síðustu leikjum liðsins eru gegn liðum sem eru í topp sjö. Liðið varð fyrir miklu áfalli þegar ljóst var að Luis Sinisterra yrði ekki með á lokasprettinum vegna meiðsla.

Leeds á eftir að mæta Newcastle (h), West Ham (ú) og Tottenham (h). Leicester, sem er sæti ofar, á einnig erfiða dagskrá eftir. Leicester á eftir að spila við Liverpool (h), Newcastle (ú) og West Ham (h).

Taldar eru 26% líkur á að Everton, sem vann magnaðan sigur gegn Brighton í gær, falli. Everton á eftir að mæta Manchester City (h), Wolves (ú) og Bournemouth (h).