09.08.22 - 10:30
Guðmundur Aðalsteinn Ásgeirsson
Selma Sól í liði vikunnar - Átt mjög gott tímabil í Noregi
Selma Sól á landsliðsæfingu.
Mynd: Fótbolti.net - Hafliði Breiðfjörð
Selma Sól á landsliðsæfingu.
Mynd: Fótbolti.net - Hafliði Breiðfjörð
Landsliðskonan Selma Sól Magnúsdóttir er í liði vikunnar í norsku úrvalsdeildinni.
Selma leikur með Rosenborg, einu sterkasta félagsliði Noregs, og hefur hún verið í nokkuð stóru hlutverki á þessari leiktíð.
Selma skoraði í 5-0 sigri á Roa um síðustu helgi. Hún var eins og venjulega í byrjunarliði Rosenborg og gerði fimmta og síðasta mark liðsins þegar stundarfjórðungur var eftir af leiknum.
Þessi öflugi miðjumaður hefur átt fantagott tímabil með Rosenborg, en hún gekk í raðir félagsins fyrr á þessu ári frá Breiðabliki. Rosenborg og Breiðablik mætast einmitt í Meistaradeild Evrópu síðar í þessum mánuði.
Selma, sem er 24 ára, var hluti af landsliðshópi Íslands á EM í sumar og kom hún við sögu í einum leik.
Hér fyrir neðan má sjá hvernig lið vikunnar lítur út í Noregi í heild sinni.
Selma skoraði í 5-0 sigri á Roa um síðustu helgi. Hún var eins og venjulega í byrjunarliði Rosenborg og gerði fimmta og síðasta mark liðsins þegar stundarfjórðungur var eftir af leiknum.
Þessi öflugi miðjumaður hefur átt fantagott tímabil með Rosenborg, en hún gekk í raðir félagsins fyrr á þessu ári frá Breiðabliki. Rosenborg og Breiðablik mætast einmitt í Meistaradeild Evrópu síðar í þessum mánuði.
Selma, sem er 24 ára, var hluti af landsliðshópi Íslands á EM í sumar og kom hún við sögu í einum leik.
Hér fyrir neðan má sjá hvernig lið vikunnar lítur út í Noregi í heild sinni.
