Gyökers er kominn með sjö mörk og þrjár stoðsendingar í fimm leikjum með Sporting á upphafi tímabils, auk þess að vera búinn að skora þrjú mörk og gefa tvær stoðsendingar í tveimur landsleikjum í Þjóðadeildinni.
Sænski framherjinn Viktor Gyökeres var meðal allra bestu leikmanna ensku Championship deildarinnar þegar Sporting CP keypti hann frá Coventry í fyrrasumar.
Gyökeres raðaði inn mörkunum á sínu fyrsta tímabili í Portúgal, þar sem hann skoraði 43 mörk og gaf 15 stoðsendingar í 50 leikjum.
Svíinn hefur haldið áfram uppteknum hætti á nýrri leiktíð og er nú þegar búinn að skora 10 sinnum og gefa 5 stoðsendingar í sjö fyrstu leikjunum.
Hann skoraði tvennu í 3-0 sigri sænska landsliðsins gegn Eistlandi í gærkvöldi eftir að hafa skorað eitt og gefið tvær stoðsendingar í sigri gegn Aserbaídsjan þremur dögum fyrr.
Arsenal er meðal félaga sem var orðað við Gyökeres í sumar en Sporting hefur ekki áhuga á að selja framherjann sinn.
Athugasemdir
