Varnarmaðurinn Bjarni Hólm Aðalsteinsson gekk í liðinni viku í raðir Fram. Þessi 28 ára gamli leikmaður þekkir til í Safamýrinni en hann kom til Fram frá Huginn árið 2002 og lék með liðinu í tvö ár.
Bjarni var í viðtali í útvarpsþætti Fótbolta.net á X-inu í gær.
Bjarni var í viðtali í útvarpsþætti Fótbolta.net á X-inu í gær.
„Þetta gerðist snöggt. Ég tók einhverjar tvær vikur og æfði með Stjörnunni. Svo fengu þeir Dana svo ég kúplaði mig út úr því. Þá fór ég til Keflavíkur þar sem ég þekki aðeins til og æfði með þeim um tíma,"
„Framararnir hringdu og þetta var eiginlega klárað í hvelli. Það er samkeppni í Fram og það er besta mál. Maður þarf að leggja sig fram á hverri æfingu."
Undanfarin tvö ár hefur Bjarni leikið með Levanger í þriðju efstu deild Noregs.
„Þetta var fínn tími. Gæðin voru ekki upp á það besta þannig séð en það eru fínir strákar á milli. Þetta var fín lífsreynsla. Maður var í þrusuformi og allt það en fótboltalega séð tel ég ekki hafa bætt mig þarna en líkamlega gerði ég það."
Hægt er að hlusta á viðtalið í spilaranum hér að ofan.
Athugasemdir
