Miðjumaðurinn Alexandra Jóhannsdóttir mun ekki leika fleiri leiki með Breiðabliki í sumar.
Hún kom á láni fyrir EM og skoraði þrjú mörk í sjö leikjum í Bestu deildinni.
Alexandra fór til Eintracht Frankfurt í Þýskalandi frá Breiðabliki fyrir einu og hálfu ári síðan en markmiðið með lánssamningnum var að hún kæmist í leikform fyrir Evrópumótið.
Alexandra, sem er 22 ára, hefur ekki verið í mjög stóru hlutverki frá því hún fór til Frankfurt og það er spurning hvort hún leiki með liðinu á komandi leiktíð.
Samkvæmt upplýsingum sem Fótbolti.net hefur fengið þá er áhugi á henni frá öðrum félögum, þar á meðal á Ítalíu.
Alexandra, sem kom við sögu í tveimur leikjum á EM, er líklega með hugann við það að spila meira á næstu leiktíð en hún gerði á þeirri síðustu.
Athugasemdir