Nýliðar Fulham halda áfram að styrkja sig fyrir átökin í ensku úrvalsdeildinni.
Félagið hefur gengið frá kaupum á hægri bakverðinum Kenny Tete og kemur hann frá Lyon í Frakklandi. Kaupverðið er 3,2 milljónir evra.
Hinn 24 ára gamli Tete skrifar undir fjögurra ára samning með möguleika á frekari framlengingu um eitt ár eftir það.
Tete, sem á 13 A-landsleiki fyrir Holland, hóf feril sinn hjá Ajax en fór til Lyon 2017. Hann hjálpaði Lyon að komast í undanúrslit Meistaradeildarinnar á síðustu leiktíð.
Fulham mætir Arsenal í opnunarleik ensku úrvalsdeildarinnar í hádegisleik á laugardag.
Athugasemdir
