„Þetta var svekkjandi tap, við ætluðum að koma hér til þess að vinna,'' sagði Theódór Sveinjónsson, þjálfari Fjölnis, eftir tap gegn HK í Kórnum í kvöld.
Lestu um leikinn: HK 4 - 2 Fjölnir
„Þetta er hörku lið og þær berjast allan tímann, við ætluðum bara að mæta þeim í því og skora fleiri mörk en þær.''
Þrír nýir leikmenn byrjuðu hjá Fjölnir í þessum leik.
„Þær eru nýkomnar, þær eru að aðlagast liðinu og við erum að aðlagast þeim. Þetta er styrkur fyrir okkur og við hlökkum til að þróa liðið með þeim.''
Sara Montoro skoraði bæði mörk Fjölnis í kvöld.
„Sara er flottur leikmaður og mun standa sig vel í sumar. Við búumst ekki við neinu öðru en að hún standi sig og haldi áfram.''
Theódór var spurður um hvort Fjölnir muna gera eitthvað meira í markaðnum sem lokar núna um miðnætti
„Það er ekkert í pípunum. Maður veit aldrei hvað gerist, það getur allt gerst.''
Viðtalið í heild má sjá hér fyrir ofan.
