Leikur Fylkis og Tindastóls átti upprunalega að fara fram snemma í maí en vegna fjölda smita á Sauðárkróki var honum frestað og fór fram í gærkvöldi.

Kjartan Stefánsson, þjálfari Fylkis, var spurður út í undirbúning þeirra Bryndísar og Tinnu fyrir leikinn í viðtali eftir leikinn í gær.

Þær voru báðar í byrjunarliðinu í 2-1 sigri Fylkis og áttu fínasta leik.

Lestu um leikinn: Fylkir 2 - 1 Tindastóll

„Það var þannig að Tinna og Bryndís fóru ekki á landsliðsæfingar. Þessi leikur var gríðarlega mikilvægur fyrir okkur og svolítið leiðinlegt að þessi leikur dettur inn á þetta tækifæri þeirra."

„Við þurftum að taka því alvarlega þegar upp kom sýking á Sauðárkróki og að sjálfsögðu verðum við þeirri bón að fresta leiknum."

„Við hefðum kosið að setja þennan leik seinna en hann var settur í þessari viku. Leiðinlegt fyrir stelpurnar að fá ekki tækifæri að vera með landsliðinu því það vilja þær allar," sagði Kjartan.

Viðtalið við hann má sjá í heild sinni hér að neðan.