Arnar Gunnlaugsson
„Rosalega fagmannleg frammistaða í fyrri hálfeik og eiginlega mjög góð. Þetta voru hrikalega erfiðar aðstæður, mikið rok og erfitt að hemja boltann. Þannig að þrjú núll í hálfleik og í seinni hálfleik snerist það bara um að halda hreinu og ekki missa leikinn í einhverja vitleysu.“ Sagði Arnar Gunnlaugsson þjálfari Víkinga um leikinn er Víkingar unnu 3-0 sigur á liði Keflavíkur í Keflavík fyrr í dag.
Lestu um leikinn: Keflavík 0 - 3 Víkingur R.
Sigur Víkinga auk taps Breiðabliks á Akureyri gerir stöðu Víkinga þegar líður að skiptingu deildarinnar betri en horfur voru á ekki fyrir margt löngu í eltingarleik Víkinga við Breiðablik.
„Já klárlega, þetta leik ekkert vel út eftir leik okkar gegn ÍBV. En stundum er gott að fá svona smá skell í andlitið því að sá leikur var bara alls ekki nægjanlega góður og við alltof værukærir og þar á meðal ég sjálfur. Við tókum upp á því að breyta aðeins okkar uppspili og hvernig við förum upp með boltann og í síðustu tveimur leikjum tólf mörk skoruð og ekkert mark fengið á sig sem að bætir líka markatölu sem gæti skipt máli þegar upp er staðið.“
Arnar bætti svo við um stöðu Blika,
„Þetta er ennþá í höndum Blikana en við þurfum að halda áfram að setja pressu og KA að koma inn í baráttuna þannig að það stefnir í mjög skemmtilega úrslitakeppni.“
Áður en að því kemur mæta Víkingar þó KR í lokaumferð deildarinnar fyrir skiptingu næstkomandi laugardag. Leikir liðanna hafa verið frábær skemmtun undanfarin ár og átti Arnar ekki von á því að breyting yrði á því.
„Það er alltaf einhver kýtingur og læti eðlilega. Það er mikið stolt í herbúðum KR og smá uppgangur verið hjá þeim í síðustu leikjum. Búnir að fá menn til baka úr meiðslum og við líka þannig að bæði lið eru að detta í gírinn aftur. Þannig að þetta verður bara hörkuleikur og alltaf gaman að mæta KR. Við verðum að passa okkur á að fagna ekki of mikið núna því töpuð stig á móti KR og öll vinna síðustu tveggja vikna er farinn í súginn.“
Sagði Arnar en allt viðtalið má sjá hér að ofan
Athugasemdir
