Byrjunarlið ÍA og Breiðabliks: Sex breytingar - Gemmer og Aron Bjarna ekki með

Lárus Orri Sigurðsson, þjálfari ÍA, gerir fjórar breytingar á sínu liði frá tapinu gegn ÍBV í síðustu umferð. Baldvin Þór Berndsen, Gísli Laxdal Unnarsson, Ísak Máni Guðjónsson og Ómar Björn Stefánsson koma inn í liðið. jonas Gemmer er utan hóps og þeir Steinar Þorsteinsson, Birnir Breki Burknason og Gabríel Snær Gunnarsson taka sér sæti á bekknum. Hlynur Sævar Jónsson er mættur á bekkinn eftir meiðsli.

Halldór Árnason, þjálfari Breiðabliks, gerir tvær breytingar á sínu liði frá jafnteflinu gegn Víkingi í síðustu umferð. Viktor Karl Einarsson tekur út leikbann og Aron Bjarnason er ekki í leikmannahópi Breiðabliks. Inn koma þeir Óli Valur Ómarsson og Kristinn Steindórsson. Gunnleifur Orri Gunnleifsson (2008) og Birkir Þorsteinsson (2009) koma inn á bekkinn.