Í uppbótartíma í gær náði Ísland að skora sitt fimmta mark en rangstaða var dæmd og markið taldi ekki. Það var einstkalega svekkjandi því að markið hefði komið Íslandi upp fyrir Ítalíu í riðlinum og liðið ætti enn möguleika á því að fara á lokamótið.

Harpa Helgadóttir kom boltanum í netið eftir hornspyrnu á 95. mínútu en flaggið fór á loft. Ansi svekkjandi dómur og illskiljanlegur miðað við staðsetningu leikmanna í markinu. Myndband af markinu má sjá hér að neðan.

Það er Magnús Örn Helgason, þjálfari liðsins, sem birtir myndbandið en hann fékk rauða spjaldið í kjölfar atviksins.