Fótbolti.net

fim 16. október 2025 17:30

Elvar Geir Magnússon

Lofandi byrjun Woltemade - Með allt aðra eiginleika en Isak

Woltemade er áhugaverður leikmaður.

Mynd: EPA

Nick Woltemade hefur skorað þrjú mörk í fjórum deildarleikjum fyrir Newcastle. Það vakti athygli þegar Newcastle sótti þennan 23 ára leikmann frá Stuttgart en hann virðist heldur betur tilbúinn fyrir stóra sviðið.

„Þegar Alexander Isak fór til Liverpool á metfé bjuggu margir stuðningsmenn Newcastle sig undir erfiðan tíma. Það var þungt högg að missa framherja sem skoraði 54 mörk í 86 leikjum, þar til þýskur framherji, 198 sentimetrar á hæð, byrjaði að vinna stuðningsmennina á sitt band," skrifar Harry Paterson, tölfræðisérfræðingur WhoScored, í grein hjá Guardian.

Efasamdarraddir heyrðust þegar Newcastle gerði 70 milljóna króna kaupsamning um Woltemade. Leikmann sem spilaði fyrir Elversberg í þýsku C-deildinni tveimur árum áður. Þá er leikstíll hans mjög ólíkur Isak.

Ekki síður taktísk áhætta heldur en fjárhagsleg
„Isak þrífist sem tæknilega góð og sókndjörf nía en leikur Woltemade snýst um að tengjast öðrum leikmönnum, fara neðar á völlinn og vinna fyrir aðra leikmenn. Newcastle hafði byggt leikstíl sinn í kringum sóknarmann með öðruvísi leikstíl og þetta var því ekki síður taktísk áhætta heldur en fjárhagsleg."

„En það sem virtist vera málamiðlun er farið að sýna merki um að vera rétta lausnin fyrir Newcastle. Það tók framherjann aðeins 29 mínútur að lækka í efasemdarröddum á St. James' Park í fyrsta leik sínum," segir Paterson.

„Mörk hans hafa verið kærkomin en raunveruleg áhrif Woltemade liggja í því hvernig hann er að umbreyta sóknarleik Newcastle. Hann býður liðinu upp á nýja vídd. Þjóðverjinn blandar saman líkamlegum styrk sem hefðbundin nía saman við tæknilega hæfileika leikstjórnanda á miðsvæðinu."

„Hann dregur varnarmenn úr stöðum sínum og skapar pláss til að vinna með fyrir Anthony Gordon, Anthony Elanga og Jacob Murphy. Með komu Woltemade þarf Newcastle ekki að reiða sig eins mikið á hraðar sóknir heldur getur byggt meira upp á spil."

Þarf að finna lausnir á nokkrum vandamálum
Það eru þó vandamál sem Newcastle þarf að finna lausnir á. Liðið þarf að vera bitmeira, það er í neðri hlutanum þegar kemur að skottilrainum og er aðeins með 0,86 mörk að meðaltali í leik.

„Framlínan er enn að finna taktinn. Liðsfélagar hans tengja ekki alveg við hreyfingar Woltemade. En það var alveg ljóst að það yrði aldrei einfalt að fylla skarð Isak og Eddie Howe þarf enn að laga nokkur vandamál. Woltemade kemur ekki beint í staðinn fyrir Isak, liðið þarf að þróast til að koma andstæðingum á óvart á alveg nýjan hátt, og Woltemade er með eiginleikana í það."

		L	U	J	T	ms:	mf:	mun	Stig
1	Arsenal	10	8	1	1	18	3	+15	25
2	Man City	10	6	1	3	20	8	+12	19
3	Liverpool	10	6	0	4	18	14	+4	18
4	Sunderland	10	5	3	2	12	8	+4	18
5	Bournemouth	10	5	3	2	17	14	+3	18
6	Tottenham	10	5	2	3	17	8	+9	17
7	Chelsea	10	5	2	3	18	11	+7	17
8	Man Utd	10	5	2	3	17	16	+1	17
9	Crystal Palace	10	4	4	2	14	9	+5	16
10	Brighton	10	4	3	3	17	15	+2	15
11	Aston Villa	10	4	3	3	9	10	-1	15
12	Brentford	10	4	1	5	14	16	-2	13
13	Newcastle	10	3	3	4	10	11	-1	12
14	Everton	10	3	3	4	10	13	-3	12
15	Fulham	10	3	2	5	12	14	-2	11
16	Leeds	10	3	2	5	9	17	-8	11
17	Burnley	10	3	1	6	12	19	-7	10
18	West Ham	10	2	1	7	10	21	-11	7
19	Nott. Forest	10	1	3	6	7	19	-12	6
20	Wolves	10	0	2	8	7	22	-15	2