Graham Potter er fyrrum stjóri Chelsea.
Fotbollskanalen greinir frá því að sænska fótboltasambandið sé að ganga frá samningi við Graham Potter um að hann taki við sænska landsliðinu af Jon Dahl Tomasson sem var rekinn á þriðjudag.
Svíum hefur gengið hörmulega í undankeppni fyrir HM á næsta ári þar sem liðið er aðeins með eitt stig úr fjórum leikjum og þarf á kraftaverki að halda til að stela öðru sæti B-riðils af Kósovó.
Potter er án starfs eftir að hafa verið rekinn frá West Ham United í lok september. Hann varð nafn í fótboltaheiminum eftir magnaðan árangur með Östersund í sænska boltanum, þegar hann fór með liðið úr fjórðu deild og alla leið í Evrópudeildina. Þar datt liðið úr leik gegn Arsenal í 32-liða úrslitum, þrátt fyrir sigur á Emirates leikvanginum.
Potter var hjá Östersund í sjö ár og hefur síðan þá stýrt Swansea, Brighton, Chelsea og West Ham í enska boltanum. Hann á þrjá syni og eru tveir þeirra fæddir í Svíþjóð, hann segir að þeir elski landið og fótboltann þar.
Svíum hefur gengið hörmulega í undankeppni fyrir HM á næsta ári þar sem liðið er aðeins með eitt stig úr fjórum leikjum og þarf á kraftaverki að halda til að stela öðru sæti B-riðils af Kósovó.
Potter er án starfs eftir að hafa verið rekinn frá West Ham United í lok september. Hann varð nafn í fótboltaheiminum eftir magnaðan árangur með Östersund í sænska boltanum, þegar hann fór með liðið úr fjórðu deild og alla leið í Evrópudeildina. Þar datt liðið úr leik gegn Arsenal í 32-liða úrslitum, þrátt fyrir sigur á Emirates leikvanginum.
Potter var hjá Östersund í sjö ár og hefur síðan þá stýrt Swansea, Brighton, Chelsea og West Ham í enska boltanum. Hann á þrjá syni og eru tveir þeirra fæddir í Svíþjóð, hann segir að þeir elski landið og fótboltann þar.
Viðræður Potter og sænska sambandsins hafa gengið vel og er búist við því að samningar verði undirritaðir á næstu dögum.
Athugasemdir
