Ruben Amorim þjálfari Manchester United segist njóta stuðnings frá yfirmanni sínum Sir Jim Ratcliffe.
Einhverjir fjölmiðlar telja starf Amorim hjá Rauðu djöflunum vera í hættu en Portúgalinn er ósammála því.
Ratcliffe sagði í viðtali á dögunum að Amorim ætti að fá þrjú ár við stjórnvölinn til að sanna að hann sé rétti maðurinn í starfið.
„Hann er stöðugt að styðja við bakið á mér, bæði í samtölum og með skilaboðum eftir leiki. Við þekkjum báðir fótbolta og við vitum að það mikilvægasta er alltaf næsti leikur hverju sinni. Það er ekki hægt að stjórna því hvað gerist í fótbolta, það er ekki hægt að ákveða fyrirfram hvernig næsti dagur verður," sagði Amorim á fréttamannafundi í dag.
Man Utd heimsækir Englandsmeistara Liverpool á sunnudaginn eftir erfiða byrjun á nýju tímabili.
„Þessi stuðningur er mjög mikilvægur fyrir mig útaf öllu umtalinu sem á sér stað í fjölmiðlum. Omar (Berrada) og Jason (Wilcox) eru líka duglegir í því að styðja við bakið á mér.
„Stundum set ég alltof mikla pressu á sjálfan mig og liðið. Ég veit að þetta verkefni mun taka sinn tíma en ég vil ekki að leikmennirnir hugsi þannig útaf því að það gefur þeim tilfinningu um að við höfum nægan tíma til að rétta úr kútnum. Ég vil ekki hafa þá tilfinningu í klefanum."
United er í tíunda sæti ensku úrvalsdeildarinnar með 10 stig eftir 7 umferðir. Liverpool er í öðru sæti með 15 stig.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 20 | 15 | 3 | 2 | 40 | 14 | +26 | 48 |
| 2 | Man City | 21 | 13 | 4 | 4 | 45 | 19 | +26 | 43 |
| 3 | Aston Villa | 21 | 13 | 4 | 4 | 33 | 24 | +9 | 43 |
| 4 | Liverpool | 20 | 10 | 4 | 6 | 32 | 28 | +4 | 34 |
| 5 | Brentford | 21 | 10 | 3 | 8 | 35 | 28 | +7 | 33 |
| 6 | Newcastle | 21 | 9 | 5 | 7 | 32 | 27 | +5 | 32 |
| 7 | Man Utd | 21 | 8 | 8 | 5 | 36 | 32 | +4 | 32 |
| 8 | Chelsea | 21 | 8 | 7 | 6 | 34 | 24 | +10 | 31 |
| 9 | Fulham | 21 | 9 | 4 | 8 | 30 | 30 | 0 | 31 |
| 10 | Sunderland | 21 | 7 | 9 | 5 | 21 | 22 | -1 | 30 |
| 11 | Brighton | 21 | 7 | 8 | 6 | 31 | 28 | +3 | 29 |
| 12 | Everton | 21 | 8 | 5 | 8 | 23 | 25 | -2 | 29 |
| 13 | Crystal Palace | 21 | 7 | 7 | 7 | 22 | 23 | -1 | 28 |
| 14 | Tottenham | 21 | 7 | 6 | 8 | 30 | 27 | +3 | 27 |
| 15 | Bournemouth | 21 | 6 | 8 | 7 | 34 | 40 | -6 | 26 |
| 16 | Leeds | 21 | 5 | 7 | 9 | 29 | 37 | -8 | 22 |
| 17 | Nott. Forest | 21 | 6 | 3 | 12 | 21 | 34 | -13 | 21 |
| 18 | West Ham | 21 | 3 | 5 | 13 | 22 | 43 | -21 | 14 |
| 19 | Burnley | 21 | 3 | 4 | 14 | 22 | 41 | -19 | 13 |
| 20 | Wolves | 21 | 1 | 4 | 16 | 15 | 41 | -26 | 7 |
Athugasemdir
