Ausilio hefur starfað fyrir Inter í tæplega 30 ár.
Piero Ausilio, yfirmaður fótboltamála hjá Inter, hafnaði starfstilboði frá sádi-arabíska stórveldinu Al-Hilal í sumar.
Al-Hilal tókst að krækja í Simone Inzaghi sem aðalþjálfara eftir að hann stýrði Inter til annars sætis í Meistaradeild Evrópu í annað skipti á þremur árum og vildu Arabarnir fá Ausilio með honum.
„Ég er ánægður hjá Inter og samningsbundinn félaginu til 2027," sagði Ausilio þegar hann var spurður út í áhugann frá Al-Hilal.
„Ég hef áður fengið mikilvæg tilboð á dvöl minni hér en aldrei viljað yfirgefa félagið. Ég get alltaf sagt nei ef ég vil ekki fara."
Al-Hilal er með 8 stig eftir fjórar fyrstu umferðirnar á nýju tímabili í sádi-arabísku deildinni. Inter er með 12 stig eftir 6 umferðir í Serie A.
Athugasemdir
