Sigurðu Ragnar Eyjólfsson
,,Ég veit ekki hvort þeir hafa haldið að Fylkismenn myndu leggjast niður og gefa okkur leikinn, það leit allavegana þannig út frá hliðarlínunni," sagði Sigurður Ragnar Eyjólfsson þjálfari ÍBV en hann var ekki ánægður með spilamennsku liðsins á móti Fylki í dag.
,,Við fórum yfir málin og það var nóg að tala um, við stóðum okkur ekki vel í dag þá sérstaklega fyrri hálfleikur, því þó við höfum komist 1-0 yfir þá var eins og við héldum að við myndum fá þetta allt upp í hendurnar, að við þyrftum ekkert að hafa fyrir þessu en það getur ekkert lið leyft sér það."
,,Senterinn okkar Jonathan Glenn er búinn að fá útreið í fjölmiðlum undanfarið en hann skoraði í dag en hann var auðvitað meiddur í þrjár vikur þannig að hann er eftir á í formi en hann er að verða betri og betri"
,,FH er eitt af tveimur bestu liðunum í deildinni að mínu mati og það verður mjög erfður leikur þannig að við þurfum að bæta leik okkar áður en við mætum þeim sagði Sigurður Ragnar að lokum en Eyjamenn mæta FH í Kaplakrika þann 19. maí næstkomandi.
Hér að ofan má sjá viðtalið í heild sinni.
Athugasemdir
