Eyríkið Curacao í Karíbahafi verður fámennasta þjóð HM sögunnar þegar landslið þjóðarinnar spilar á HM í sumar. Það búa aðeins um 150 þúsund á Curacao.
Curacao verður að auki með elsta þjálfara HM sögunnar því hinn 78 ára gamli Dick Advocaat stýrir liðinu á mótinu. Þetta hefur formaður fótboltasambands Curacao staðfest.
Curacao verður að auki með elsta þjálfara HM sögunnar því hinn 78 ára gamli Dick Advocaat stýrir liðinu á mótinu. Þetta hefur formaður fótboltasambands Curacao staðfest.
Advocaat skráði sig í sögubækurnar með því að koma Curacao á HM en hann lét svo af störfum af persónulegum ástæðum, vegna heilsufarsvandamála hjá dóttur hans.
Fred Rutten tók þá við liðinu en óánægja var með hans störf; liðið tapaði fyrir Kína 2-0 og Ástralíu 5-1 í vináttulandsleikjum í mars. Rutten hefur nú vikið og Advocaat er mættur aftur en staðan á dóttur hans er orðin betri.
Curacao er með Þýskalandi, Ekvador og Fílabeinsströndinni í riðli á HM í sumar.
Advocaat hefur víða komið við á löngum ferli, meðal annars hefur hann þrívegis tekið við landsliði Hollands og einnig stýrt Sameinuðu arabísku furstadæmunum, Írak og Serbíu.
Sæti Curacao á HM fagnað.
