Sadio Mane, leikmaður Liverpool, hefur verið valinn leikmaður nóvember mánaðar í ensku úrvalsdeildinni og Jurgen Klopp hefur verið valinn stjóri mánaðarins.
Liverpool vann alla fjóra leiki sína í úrvalsdeildinni í nóvember og hélt góðri forystu á toppi deildarinnar.
Mane fór á kostum í þessum leikjum en hann skoraði þrjú mörk og lagði upp eitt.
Kevin de Bruyne, miðjumaður Manchester City, var verðlaunaður fyrir mark mánaðarins en það kom með þrumuskoti í slána og inn gegn Newcastle.
Athugasemdir
