Johnson er með nokkur samningstilboð á borðinu úr ensku úrvalsdeildinni og öðrum stórum deildum í Evrópu en hann er ekki að flýta sér með að taka ákvörðun.

Johnson ætlar ekki að velja næsta áfangastað útfrá launatékkanum heldur vill hann fara til félags sem gefur honum nægan spiltíma og bestu aðstöðuna til að bæta sinn leik.

West Ham er búið að bjóða leikmanninum endurbættan fimm ára samning en Johnson liggur ekkert á að skrifa undir.

Johnson tók þátt í 25 leikjum á tímabilinu og spilaði rúmlega 1100 mínútur en honum þykir það ekki nóg. Hann á rétt rúma 100 leiki að baki á fjórum árum í kringum aðallið Hamranna og er spenntur fyrir nýrri áskorun.

Tottenham og Everton eru meðal félaga sem hafa verið nefnd til sögunnar sem áhugasöm um að krækja í bakvörðinn á frjálsri sölu.