„Ég er viss um að Solskjær sætti sig við jafnteflið"

Ole Gunnar Solskjær mætir á Anfield á laugardaginn.

Mynd: Getty Images

Ole Gunnar Solskjær mætir á Anfield á laugardaginn.

Mynd: Getty Images

Magnús Gylfason telur að Manchester United myndi taka jafntefli ef það myndi bjóðast í stórleiknum gegn Liverpool á sunnudag. Magnús og Hörður Magnússon ræddu leikinn í hlaðvarpsþættinum „Enski boltinn" á Fótbolta.net í gær.

Liverpool hefur ekki tapað í 67 heimaleikjum í röð í ensku úrvalsdeildinni.

„Þetta er enn einu sinni þessi refskák sem fótboltinn er. Ég er viss um að Solskjær sætti sig við jafnteflið. Hann myndi taka það," sagði Magnús í hlaðvarpsþættinum „Enski boltinn" á Fótbolta.net í gær.

„Hann verður mögulega hræddur að sækja sigur og fá tap í andlitið. Liverpool eru fljótir að refsa, eru gífurlega flott rútíneraðir og flottir."

„Vissulega væri geggjað ef United myndi ná að vinna. Það getur verið að það henti þeim að vera til baka og taka skyndisóknir því þeir hafa verið öflugir þar á meðan Liverpool á erfitt með að brjóta lið sem liggja aftarlega. Við sjáum örugglega þannig leik á sunnudag."

Það eru White Fox, Viking gylltur (léttöl) og Domino's sem bjóða upp á þáttinn. Hér að neðan má hlusta á þáttinn.

<b>Enski boltinn</b> - Tekist á fyrir stórleik ársins

Stöðutafla

#	Lið	L	mun	Stig
1	Man City	2	+4	6
2	Arsenal	2	+4	6
3	Hull City	2	+3	6
4	Chelsea	2	+2	6
5	Brentford	2	+3	4
6	Newcastle	2	+2	4
7	Everton	2	+2	4
8	Leeds	2	+1	4
9	Brighton	2	+3	3
10	Man Utd	2	+1	3
11	Sunderland	2	0	3
12	Ipswich Town	2	-2	3
13	Liverpool	2	0	2
14	Bournemouth	2	-1	1
15	Nott. Forest	2	-1	1
16	Fulham	2	-2	0
17	Coventry	2	-4	0
18	Crystal Palace	2	-5	0
19	Aston Villa	2	-5	0
20	Tottenham	2	-5	0