Lionel Messi hefur verið að aðstoða liðsfélaga sína í síðustu leikjum frekar en að skora sjálfur
Argentínski snillingurinn Lionel Messi hefur ekki skorað í síðustu fjórum leikjum sínum með Barcelona en það hefur ekki gerst síðan 2014.
Messi tókst ekki að reima á sig markaskóna í 2-1 sigri Barcelona á Getafe í gær en Sergio Roberto og Antoine Griezmann sáu um að skora mörkin.
Hann hefur ekki skorað í síðustu fjórum leikjum Barcelona og eru sex ár frá því það gerðist síðast. Þá tókst honum ekki að skora í átta leikjum í röð.
Þrátt fyrir það er hann í ágætis málum. Hann hefur skorað 14 mörk og lagt upp 12 í 19 deildarleikjum.
Athugasemdir
