Brendan Rodgers, stjóri Leicester, var spurður út í Tielemans á fréttamannafundi í dag.

„Ég hef lesið það sem Youri sagði, hann gaf hreinskilið svar. Hann er atvinnumaður og einn mesti fagmaður sem ég hef unnið með. Hann leggur sig alltaf allan fram," segir Rodgers.

„Það eru viðræður í gangi. Hann kemur á hverjum degi á æfingasvæðið og leggur sig fram. Hann mun vera þannig áfram, sama hvort hann verði hérna í fimm ár eða sex mánuði. Það er undir honum, umboðsmönnum hans og félaginu að ákveða hversu lengi hann verður."

Tielemans á tvö ár eftir af samningi sínum við Leicester. Af hverju hafa viðræður um nýjan samning tekið svona langan tíma?

„Ég hef ekki hugmynd. Ég einbeiti mér að fótboltanum. Það er engin dramatík. Það væru bara vandræði ef Tielemans væri ekki með hugann á réttum stað en þannig er staðan ekki," segir Rodgers.

Leicester á leik gegn Napoli í Evrópudeildinni á morgun.