Gunni Birgis spáir í leiki vikunnar á Englandi

Wolves 1 - 4 Chelsea (18:00 í kvöld)
Úlfarnir eru alltaf helvíti flottir finnst mér, en Heiðar Númi ótrúlegur snillingur) félagi minn heldur með Chelsea og sagði mér að þetta væri þeirra ár. Ég trúi því og treysti. Öruggur sigur Chelsea, Giroud með fernu.

Man City 0 - 2 West Brom (20:00 í kvöld)
Ofboðslega gaman að horfa upp á þetta vel drillaða WBA lið þessa dagana. Kæmi mér ekki á óvart að þeir steli þessum og heimasíða Daða Laxdals félaga míns fær að blæða fyrir það.

Arsenal 0 - 2 Southampton 0-2 (18:00 á morgun)
Arteta hefur verið að gera frábæra hluti í Lundúnum. Til að mynda hefur hann verið að gera það gott í hlutabréfakaupum og öðru. En leiki vinnur hann ekki nema það sé bikar í boði, þá verður hann alveg óður. 0-2 Southampton og hann fær aðra stuðningsyfirlýsingu.

Leeds 3 - 2 Newcastle (18:00 á morgun)
Eftir Take Us Home er maður svolítið hrifinn af Leedsurunum ósjálfrátt. Eitthvað samt við Luke Ayling sem fer í taugarnar á mér, hann gefur tvö eftir að Leeds kemst í 3-0.

Leicester 2 - 2 Everton (18:00 á morgun)
Skipperinn verður í góðum gír á King Power vellinum, skorar eitt meira að segja. En liðin skilja jöfn að lokum. Fínn punktur hjá The Sig og co.

Fulham 1 - 1 Brighton (20:00 á morgun)
Úff. Það sem það þyrfti að tjóðra mig við sófann með góðu Coolbet límbandi til að horfa á þessi lið spila.

Liverpool 5 - 1 Tottenham (20:00 má morgun)
Tottenham búnir að skila af sér frábæru verki þetta tímabilið, efstir eftir 12.umferðir (er ekki bikar fyrir það?) en nú er það búið. Fá flengingu að hætti gamla skólans. Nýi vinnustaður Viktors Orra félaga míns af Nesinu segist geta boðið mér 85% ávöxtun á peningana mína ef ég vil það fyrir Liverpool sigur. Það er stutt í jól og margir sem treysta á jólagjafir frá GB svo það er alls ekkert útilokað að ég taki því boði.

West Ham United 2 - 0 Crystal Palace (20:00 á morgun)
David Moyes. Þarf að segja meira? Tvö mörk úr föstum leikatriðum og flunkandi sóknarbolti eins og þeim er von og vísa Þau verða helvíti góð Evrópukvöldin hjá Tomma Steindórs og félögum í Hammers klúbbnum á Íslandi næsta haust.

Aston Villa 6 - 1 Burnley (18:00 á fimmtudag)
Burnley menn eru hátt uppi eftir sigur á stórliði Arsenal síðustu helgi. Þeir mæta steyptum vegg í þetta skiptið og Aston Villa skorar að vild, Matty Cash leggur upp 3 og sér til þess að fólk sem stundar viðskipti við eistnesku Íslandsvinina fari skælbrosandi inn í jólin.

Sheffield United 1 - 3 Manchester United (20:00 á fimmtudag)
Norska kvennalandsliðið í handbolta (sem leikur til undanúrslita á EM í handbolta á föstudaginn klukkan 19:30 á RÚV) sendir Ole nafna mínum Solskjær, sömuleiðis heyrir Þórir Hergeirsson í honum og sendir honum góða strauma. Í kjölfarið veðrast hann allur upp og taktíkar yfir sig. Úr verður besti leikur United á tímabilinu og hann fær annan langtímasamning eftir leik. Hálf fyndið að hugsa til þess að 28 þúsund falda krónurnar sínar með þessari bjánalega léttu umferð hjá veðbanka íslensku þjóðarinnar.

Fyrri spámenn
Haukur Harðarson - 7 réttir
Björn Bragi Arnarsson - 6 réttir
Sóli Hólm - 6 réttir
Gummi Ben - 5 réttir
Logi Bergmann Eiðsson - 5 réttir
Sara Björk Gunnarsdóttir - 5 réttir
Sölvi Tryggvason - 5 réttir
Elísa Viðarsdóttir - 4 réttir
Þorlákur Árnason - 4 réttir
Herra Hnetusmjör - 3 réttir
Birkir Már Sævarsson - 3 réttir
Steindi Jr. - 3 réttir