Garth Crooks á BBC er með leikmenn úr tíu mismunandi liðum í liði helgarinnar í ensku úrvalsdeildinni. Einungis West Ham á tvo fulltrúa að þessu sinni eftir sigurinn á Sheffield United í gær.
Emiliano Martinez (Aston Villa) - Átti stórleik í markalausa jafnteflinu gegn Brighton.
Matthew Lowton (Burnley) - Skoraði eitt af mörkum tímabilsins í sigrinum á Crystal Palace.
Joachim Andersen (Fulham) - Öflugur í vörninni í útisigrinum á Everton.
Issa Diop (West Ham) - Skoraði og átti góðan dag gegn Sheffield United.
Jesse Lingard (West Ham) - Hefur byrjað af krafti með West Ham.
Ilkay Gundogan (Manchester City) - Skoraði tvö mörk gegn Tottenham og er kominn með níu mörk í úrvalsdeildinni á þessu ári.
Bruno Fernandes (Manchester United) - Skoraði glæsilegt mark gegn WBA.
Harvey Barnes (Leicester) - Var á skotskónum í öflugum sigri gegn Liverpool.
Timo Werner (Chelsea) - Var frábær gegn Newcastle í gærkvöldi og skoraði langþráð mark.
Pierre-Emerick Aubameyang (Arsenal) - Þrenna gegn Leeds.
Pedro Neto (Wolves) - Skoraði sigurmarkið gegn Southampton.
Athugasemdir
