Pochettino á radar Man Utd og Bayern - McKenna orðaður við Chelsea - Slot við Kökcu til Liverpool
   þri 16. apríl 2024 07:00
Hafliði Breiðfjörð
Grasleikirnir færðir til í kuldakasti - FH víxlar heimaleikjum við HK
FH og HK mætast í Kórnum á laugardaginn.
FH og HK mætast í Kórnum á laugardaginn.
Mynd: Fótbolti.net - Hafliði Breiðfjörð
Rúnar mætir KR í Laugardalnum.
Rúnar mætir KR í Laugardalnum.
Mynd: Fótbolti.net - Hafliði Breiðfjörð
Kuldakastið sem verið hefur á Íslandi það sem af er aprílmánuði verður til þess að grasvellir landsins eiga langt í land þó svo keppni sé hafin í Bestu-deild karla.

Um komandi helgi áttu að fara fram þrír leikir á grasi í deildinni, þeir fyrstu þrír þetta sumarið, og ljóst að það gengur treglega. KSÍ hefur hafist handa við að bregðast við þessu í samráði við félögin en eins og áður hafði komið fram var búið að færa leik KR og Fram á Avis-völlinn í Laugardal, heimavöll Þróttar. Leikurinn fer fram á laugardaginn klukkan 16:15.

Mörgum þótti það vonbrigði því þarna er endurkomuleikur Rúnars Kristinssonar þjálfara Fram gegn sínu gamla liði KR, og leikurinn fer því ekki fram á Meistaravöllum.

Nú er búið að færa næsta leik, viðureign FH og HK átti að fara fram í Kaplakrika á laugardaginn klukkan 16:15 en gult grasið getur ekki tekið á móti leiknum.

Því hefur hann verið færður í Kórinn og flýtt um rúmlega tvo tíma, hefst klukkan 14:00. Fullkomið fyrir fótboltaáhugamenn sem geta því séð báða leiki laugardagsins. Með tilfærslunni verður hann heimaleikur HK og liðin mætast síðar í sumar í Kaplakrika.

Þriðji grasleikurinn er viðureign ÍA og Fylkis á sunnudaginn klukkan 17:00. Hann fer fram á ELKEM-vellinum, heimavelli ÍA á Akranesi eins og staðan er núna. Engu hefur verið breytt þegar þetta er skrifað.

föstudagur 19. apríl
19:15 Stjarnan-Valur (Samsungvöllurinn)

laugardagur 20. apríl
14:00 HK-FH (Kórinn)
16:15 KR-Fram (AVIS völlurinn)

sunnudagur 21. apríl
14:00 KA-Vestri (Greifavöllurinn)
17:00 ÍA-Fylkir (ELKEM völlurinn)
19:15 Víkingur R.-Breiðablik (Víkingsvöllur)
Innkastið - Víkingur vinnur leiki sem Valur vinnur ekki
Athugasemdir
banner
banner
banner