Sevilla tapaði fyrir West Ham í kapphlaupinu um þýska miðvörðinn Thilo Kehrer sem hefur verið leikmaður PSG undanfarin fjögur ár.
Sevilla hefur því ákveðið að snúa sér að Tanguy Nianzou, frönskum miðverði FC Bayern.
Nianzou er aðeins 20 ára gamall og hefur verið í mikilvægu hlutverki upp yngri landslið Frakka. Hann leikur með U20 liðinu sem stendur og ólst upp hjá PSG áður en hann skipti yfir til Bayern.
Varnarmaðurinn ungi á 13 leiki að baki fyrir PSG og 28 fyrir Bayern.
Sevilla mun koma til með að borga 20 milljónir evra fyrir miðvörðinn en Bayern hefur endurkaupsrétt á honum.
Nianzou skrifar undir fimm ára samning við Sevilla og er annar miðvörðurinn sem félagið krækir sér í þetta sumarið eftir komu Marcao frá Galatasaray. Þeir eiga að fylla í skörðin sem Diego Carlos og Jules Koundé skildu eftir þegar þeir voru seldir til Aston Villa og Barcelona.
…and here’s Tanguy Nianzou landed in Sevilla to sign his five year deal as full agreement has been reached with Bayern. 🚨⚪️🔴🛩 #Sevilla
— Fabrizio Romano (@FabrizioRomano) August 16, 2022
Here we go confirmed.
📸 @kikohurtsevilla pic.twitter.com/o5WBghI3va