Samningur Óskars rann út eftir lok nýafstaðins tímabils og hefur hann því formlega lokið störfum sem þjálfari félagsins.

Óskar tók við Magna á miðju tímabili árið 2022 en tókst ekki að bjarga liðinu frá falli úr 2. deild.

Á síðasta ári hafnaði liðið síðan í 7. sæti 3. deildar með 28 stig en náði ágætis bætingu í sumar með því að sækja 33 stig og hafna í 5. sæti.

„Stjórn Íþrótta­fé­lags­ins Magna þakk­ar Óskari fyr­ir afar góð störf
í þágu félagsins og ósk­um við honum velfarnaðar og góðs geng­is í því sem hann tek­ur sér fyr­ir hend­ur í framtíðinni,“ segir í tilkynningu Magna í dag.

Félagið mun hefja leit að nýjum þjálfara á næstu vikum.