Zeki Celik, leikmaður Lille í Frakklandi, mun að öllum líkindum ganga í raðir spænska félagsins Atlético Madríd eftir tímabilið en þetta kemur fram í spænska miðlinum La Razon.
Celik er 24 ára gamall hægri bakvörður og kemur frá Tyrklandi en hann verður samningslaus næsta sumar.
Hann var frábær er Lille vann frönsku deildina á síðustu leiktíð og hafa mörg af bestu félögum Evrópu sóst eftir kröftum hans.
Samkvæmt La Razon er Celik búinn að ákveða næsta áfangastað en hann hefur gert munnlegt samkomulag við Atlético Madríd.
Hann mun gera fjögurra ára samning við Atlético og ganga til félagsins næsta sumar á frjálsri sölu.
Athugasemdir