„Þetta er frábær tilfinning, þetta eer fyrsti leikurinn minn í langan tíma. Mér leið eins og ég hafi hjálpað liðinu og að spila á þessum velli fyrir framan 35 þúsund manns, þetta er æðislegt," sagði Elías Rafn Ólafsson, markvörður íslenska landsliðsins en hann varði markið í sigrinum gegn Skotlandi í kvöld.
Lestu um leikinn: Skotland 1 - 3 Ísland
„Þetta var frábær leikur, bæði fyrir mig og liðið. Við lærðum mikið. Það gekk líka vel undir lokin undir pressu, manni leið ekki eins og þeir væru að fara skora. VIð spiluðum vel."
Elías ætlar sér auðvitað að eigna sér stöðuna.
„Algjörlega, auðvitað er það þannig. Maður væri ekki í hópnum ef það væri ekki markmiðið á endanum. Við Hákon erum góðir saman og styðjum hvorn annan," sagði Elías.
Hann var ánægður með eina vörslu frá Scott McTominay.
„Er það ekki McTominay eða? Hún var sexí," sagði Elías léttur í bragði.
