Börkur blæs á kjaftasögurnar og segir að Heimir stýri Val á næsta tímabili

„Það verða engar breytingar, það er 100 prósent," sagði Börkur sem lét ekki ná í sig þegar fjölmiðlar reyndu að ná tali af honum í gær.

Heimir, sem er afskaplega sigursæll á sínum ferli, er að klára sitt annað tímabil sem þjálfari Vals en liðið varð Íslandsmeistari í fyrra.

Liðið hefur hinsvegar fengið mikla gagnrýni i sumar og gengi liðsins verið mjög slæmt að undanförnu. Eftir að hafa verið í toppsætinu stærstan hluta tímabils er liðið skyndilega komið niður í fimmta sæti Pepsi Max-deildarinnar.

Þá féll liðið úr leik í Mjólkurbikarnum á miðvikudaginn þegar það tapaði gegn Lengjudeildarliði Vestra á Ísafirði í 8-liða úrslitum.

Liðið heldur þó enn í von um Evrópusæti en mögulegt er að þriðja sætið gefi þátttökurétt í Sambandsdeildinni.