England: Annað 3-3 jafntefli Chelsea á leiktíðinni - Werner með tvö mörk

Chelsea fékk Southampton í heimsókn í öðrum leik dagsins í ensku úrvalsdeildinni.

Timo Werner skoraði sín fyrstu mörk í úrvalsdeildinni og sá til þess að Chelsea var með tveggja marka forystu eftir hálftíma leik. Markavélin Danny Ings minnkaði muninn með marki á markamínútunni og staðan 2-1 í hléi.

Kurt Zouma og Kepa Arrizabalaga litu heldur betur illa út í jöfnunarmarki Southampton. Che Adams sá um að nýta sér lélega sendingu Zouma og hik Kepa.

Kai Havertz svaraði marki Adams með marki og allt stefndi í sigur heimamanna, markið var fyrsta mark Havertz í úrvalsdeildinni. Í uppbótartíma átti Theo Walcott tilraun sem fór af Jannik Vestergaard og þaðan í netið, gestirnir búnir að jafna.

Lokatölur urður 3-3 og er það í annað sinn sem Chelsea gerir sex marka jafntefli á leiktíðinni.