Hrannar Snær Magnússon er með samningstilboð á borðinu frá norska félaginu Kristiansund. Þetta kom fram í Útvarpsþættinum Fótbolti.net á laugardag.
Hrannar Snær er gríðarlega eftirsóttur af félögum í Bestu deildinni eftir frábært tímabil með Aftureldingu sem var hans fyrsta í efstu deild á ferlinum.
Hrannar Snær er gríðarlega eftirsóttur af félögum í Bestu deildinni eftir frábært tímabil með Aftureldingu sem var hans fyrsta í efstu deild á ferlinum.
Í þættinum kom einnig fram að hann hefði kannað aðstæður hjá skoska félaginu Livingston á dögunum.
Hrannar Snær er 24 ára Ólafsfirðingur sem leikið hefur með KF, Selfossi og Aftureldingu á sínum meistaraflokksferli. Hann er samningsbundinn Aftureldingu en er með ákvæði um að geta farið frá félaginu. Hann skoraði tólf mörk og lagði upp tvö í 26 leikjum á tímabilinu.
Kristiansund er í 13. sæti norsku úrvalsdeildarinnar þegar tvær umferðir eru eftir af deildinni.
Athugasemdir
